Á veiðum við Hlíðarvatn í Selvogi 26.07.2010

Undirritaður var að fara frá bílastæðinu fyrir ofan Botnavík, stæðið sem er á milli  veiðihúsanna hjá
Ármönnum og Árbliks frá Þorlákshöfn.
Ég var að ganga af stað niður eftir frá bílastæðinu, er ég sá sjóngleraugu við stíginn.
Gleraugun eru mjög nýleg og/eða vel með farin.

Undirritaður er með gleraugun og hugsanlegur eigandi beðinn að hafa samband.

Vignir B. Árnason
GSM: 868-4659

Nú er komin ný veiðibók hjá SVH í Hlíðarvatni (sú gamla orðin full).

Samkvæmt henni hafa veiðst yfir 150 fiskar 13-16 júní, flestir í kringum pundið en stærri innan um.  Flugan Alder virðist vera að gefa vel þessa daganna.

Samtals eru skráðir yfir 400 fiskar frá opnun hjá SVH en við höfum ekki tölur frá hinum félögunum.

Jafnframt viljum við benda veiðimönnum á að þrífa og ganga vel frá veiðihúsi en einhverjir hafa lent í að taka við óhreinu húsi.

í veiðibók Stangveiðifélags Hafnarfjarðar í Hlíðarvatni voru skráðar uþb 210 bleikjur þann 26 maí s.l.
Flestar veiddar við Hlíðarey eða á svæðinu frá Kaldós að Réttarnesi.

Félagið hvetur veiðimenn til að skrá allan afla í veiðibók enda mikilvægar upplýsingar bæði fyrir félagið og veiðimenn sjálfa.

Um 20 félagsmenn SVH lögðu hönd á plóginn við miklar framkvæmdir við Djúpavatn helgina 8-9 maí.  Helst má telja:

• Húsið var aðeins farið að síga og var það leiðrétt.
• Skipt var um hluta af palli.
• Bíslag var reist við veiðihúsið og verður mikil munur að geta geymt og þurrkað vöðlur þar inni.
• Raki var komin í gólf undir eldhúsinnréttingu og salerni, það var allt rifið upp og skipt um einangrun, gólfplötur og settur nýr dúkur.
• Ný eldhúsinnrétting var sett upp.
• Rennsli var aukið í vatnslögn.

Mikill munur er á húsinu við þessar breytingar og mun ekki væsa um félagsmenn þar í sumar.

Nokkrar myndir komnar og fleiri í vinnslu.